«Almaty Finance» ەنشىلەس ۇيىمى (الماتى اكك كومپانيالار توبىنا كىرەدى) «الماتى» مقۇ اعىمداعى جىلدىڭ 9 ايىندا الماتىلىقتارعا شاعىن جانە ميكروبيزنەستى دامىتۋ ءۇشىن 80-نەن استام جەڭىلدەتىلگەن نەسيە بەردى.
نەسيەلەردىڭ ەڭ كوپ بولىگىن ءوندىرىس جانە وڭدەۋ (30%), دەنساۋلىق ساقتاۋ (17%), ءبىلىم بەرۋ (10%), حالىققا قىزمەت كورسەتۋ (10%), تۋريزم (6%), الەۋمەتتىك كاسىپكەرلىك (6%), سونىمەن قاتار كرەاتيۆتى ەكونوميكا (5%) سالالارىندا جوبالارى بار كاسىپكەرلەر العان.
كورسەتىلىپ وتىرعان كەزەڭدەگى قارجىلاندىرۋدىڭ جالپى سوماسى 2,6 ملرد تەڭگەدەن استى.
كاسىبىن ەندى باستاعان جانە تۇراقتى جۇمىس ىستەپ جۇرگەن كاسىپكەرلەرگە «Almaty Business-2025» وڭىرلىك كاسىپكەرلىكتى دامىتۋ باعدارلاماسى اياسىندا جىلدىق 2% جانە 6% جەڭىلدىكپەن نەسيە بەرىلدى. اقشا جابدىقتى، شيكىزاتتى ساتىپ الۋعا، اينالىم قاراجاتىن تولىقتىرۋعا جانە باسقا دا بيزنەس قاجەتتىلىكتەرىن جابۋعا بولىنەدى.
«الماتى» مقۇ-نىڭ 7 جىلدىق مەرزىمگە دەيىن بەرەتىن نەسيەسىنىڭ ەڭ جوعارى سوماسى 73 840 000 تەڭگەنى قۇرايدى.
2019 جىلدان باستاپ 2024 جىلدىڭ 3 توقسانىنا دەيىن «الماتى» مقۇ بارلىعى 12,5 ملرد تەڭگەگە جۋىق سوماعا 560-تان استام شاعىن جانە ميكرو بيزنەس جوبالارىن قارجىلاندىردى.
««الماتى» مقۇ-نىڭ «Almaty Business» باعدارلاماسى بويىنشا جەڭىلدەتىلگەن نەسيەلەندىرۋ اياسىندا قالادا 2300-دەن استام جۇمىس ورنى اشىلدى. جاڭا كاسىپكەرلىك سۋبەكتىلەرىنىڭ اشىلۋىمەن قاتار، باعدارلاما جەرگىلىكتى بيۋدجەتكە سالىق تۇسىمدەرىن ارتتىرۋعا دا بەلسەندى ىقپال ەتۋدە», - دەپ اتاپ ءوتتى «الماتى» مقۇ باسقارما توراعاسى التاي يسماعامبەتوۆ.
