وزبەكستان پارلامەنتىنىڭ تومەنگى پالاتاسى مەن جەرگىلىكتى بيلىك ورگاندارىنا كەزەكتى سايلاۋ 27 قازاندا وتەدى، دەپ حابارلايدى "ادىرنا" ۇلتتىق پورتالى فەرعانا اگەنتتىگىنە سىلتەپ.
سايلاۋ ناتيجەسىندە وزبەكستاننىڭ زاڭ شىعارۋ پالاتاسىنىڭ 150 دەپۋتاتى، قاراقالپاقستان جوعارعى كەڭەسىنىڭ 65 دەپۋتاتى، سونداي-اق وبلىستىق، تاشكەنت جانە 208 اۋداندىق كەڭەستەر دەپۋتاتتارى سايلانادى.
پارلامەنت سايلاۋى العاش رەت ارالاس سايلاۋ جۇيەسى – ماجوريتارلىق-پروپورتسيونالدى جۇيە بويىنشا وتەدى. ءبىر مانداتتى وكرۋگتەر بويىنشا 75 دەپۋتات ماجوريتارلىق جۇيە بويىنشا سايلانادى، ال قالعان 75 دەپۋتات پروپورتسيونالدىق جۇيە بويىنشا ساياسي پارتيالارعا بەرىلگەن داۋىستار نەگىزىندە ءبىر سايلاۋ وكرۋگى بويىنشا سايلانادى.
بارلىق دەڭگەيدەگى دەپۋتاتتىققا 29350 ادام كانديدات بولىپ جاريالاندى.
