فرانتسيا پرەزيدەنتى ەممانيۋەل ماكرون وزبەكستان پرەزيدەنتى اكىمشىلىگىنىڭ باسشىسى سايدا ميرزيوەۆامەن كەزدەستى، دەپ حابارلايدى "ادىرنا" ۇلتتىق پورتالى.
بۇل تۋرالى سايدا ميرزيوەۆا ءوزىنىڭ Telegram-ارناسىندا حابارلادى.
«فرانتسيا پرەزيدەنتى ەممانيۋەل ماكرونعا كورسەتكەن ءىلتيپاتى مەن جىلى قابىلداۋى ءۇشىن العىس ايتامىن. وزبەكستان پرەزيدەنتىنىڭ جۇرەكجاردى سالەمى مەن ىزگى تىلەگىن جەتكىزدىم. ەكى ەلدى ماڭىزدى ستراتەگيالىق سالالارداعى ۇزاق مەرزىمدى ارىپتەستىك بايلانىستىرادى. الدا ەكى مەملەكەتكە دە پايدالى بولاتىن بىرلەسكەن جوبالار مەن باستامالار ءالى دە كوپ بولارىنا سەنىمدىمىن»، – دەپ جازدى سايدا ميرزيوەۆا.
كەزدەسۋ بارىسىندا فرانتسيا مەن وزبەكستان اراسىنداعى ستراتەگيالىق ارىپتەستىكتى ودان ءارى دامىتۋ جانە ءوزارا ءتيىمدى ىنتىماقتاستىقتى كەڭەيتۋ ماسەلەلەرى ءسوز بولدى.
وزبەكستان پرەزيدەنتى اكىمشىلىگىنىڭ باسشىسى سايدا ميرزيوەۆا 21 مامىردا استاناعا كەلىپ، قازاقستان پرەزيدەنتى قاسىم-جومارت توقاەۆپەن دە كەزدەسكەن.
