Berık Äbdıǧaliūly Ūlytau oblysynyŋ äkımı lauazymynan bosatyldy, dep habarlaidy “Adyrna” ūlttyq portaly.
Berık Äbdıǧaliūly 9 qazan künı Prezident jarlyǧymen qyzmetınen bosatyldy. Ol Ūlytau oblysynyŋ äkımı qyzmetıne 2022 jyldyŋ mausym aiynan bastap kırısken edı.
Äbdıǧaliūly Berık 1971 jylǧy 18 qyrküiekte Qaraǧandy oblysy Jezqazǧan kentınde düniege kelgen.
1994 jyly Äl - Farabi atyndaǧy Qazaq ūlttyq universitetın «Tarih» mamandyǧy boiynşa tämämdaǧan. Saiasattanu ǧylymdarynyŋ kandidaty. 2017 jyly «Öŋırlık jäne munisipialdyq menedjment» mamandyǧy boiynşa MBA därejesın RF Prezidentı janyndaǧy Resei halyq şaruaşylyǧy jäne memlekettık qyzmet akademiiasynda (Mäskeu q.) qorǧaǧan.
10 kıtaptyŋ jäne qazaqstandyq jäne şeteldık ǧylymi basylymdardaǧy 100-den astam ǧylymi jariialanymdardyŋ avtory.
1994 - 1997 jyldary – QR Prezidentı janyndaǧy Qazaqstannyŋ strategiialyq zertteuler institutynyŋ (QSZİ) ǧylymi qyzmetkerı, ışkı saiasat bölımınıŋ meŋgeruşısı, direktordyŋ orynbasary bolyp qyzmet ettı.
1997 - 1999 jyldary QR Baspa jäne būqaralyq aqparat ısı jönındegı ūlttyq agenttıgınde, QR Mädeniet, aqparat jäne qoǧamdyq kelısım ministrlıgınde qyzmet atqardy.
1999 - 2001 jyldary QR Qauıpsızdık Keŋesınıŋ Taldau ortalyǧy meŋgeruşısınıŋ orynbasary. 2001 - 2002 jyldary – Qaraǧandy oblysy Temırtau qalasy äkımınıŋ orynbasary. 2002 - 2005 jyldary Ūlttyq zertteuler institutynyŋ direktory, «Saiasi aǧartu qory» QQ prezidentı. 2005 - 2006 jyldary – «Atameken» käsıpkerler men jūmys beruşılerdıŋ jalpyūlttyq odaǧynda keŋesşı, «Atameken» ūlttyq damu ortalyǧy» JŞS direktory. 2007 - 2008 jyldary – QR Prezidentı Äkımşılıgınıŋ bas inspektory, Işkı saiasat bölımı meŋgeruşısınıŋ orynbasary. 2008 - 2010 jyldary – «Memlekettık tıldı damytu qory» QQ direktory.
2010 - 2012 jyldary – Qaraǧandy oblysy Ūlytau audanynyŋ äkımı, Jezqazǧan qalasynyŋ äkımı. 2012 jyly – 1-şı
Vise - Premerdıŋ keŋesşısı.
2012 - 2013 jyldary – Qostanai oblysy Arqalyq qalasynyŋ äkımı.
2013 jyly – Qaraǧandy oblysy äkımınıŋ orynbasary.
2016 - 2017 jyldary – QR Prezidentı janyndaǧy QSZİ direktorynyŋ keŋesşısı, bas ǧylymi qyzmetker, QR Qaruly Küşterı Äskeri-tarihi muzeiınıŋ bas ǧylymi
qyzmetkerı.
2017 - 2019 jyldary – QR Ūlttyq muzeiınıŋ «Qasiettı Qazaqstan» ǧylymi-zertteu ortalyǧynyŋ jetekşısı.
2019 - 2021 jyldary - Qaraǧandy oblysy Ūlytau audanynyŋ äkımı. 2021 - 2022 jyldary - VII şaqyrylymdaǧy Qazaqstan Respublikasy Parlamentı Mäjılısınıŋ deputaty bolǧan.
Berık Äbdıǧaliūly 2022 jyly qūrylǧan jaŋa aimaqtardyŋ bırı Ūlytau oblysyna äkım bolyp taǧaiyndalǧan. El ışınde "Aq Berık" atalyp ketken şeneunık turaly osyndai atpen kıtap ta şyqqan.
Ūqsas jaŋalyqtar
