قازاقستاندا ورانۋعا تىيىم سالاتىن زاڭ جوباسى ماجىلىستە قارالىپ جاتقان جوق. بۇل تۋرالى ءماجىلىس دەپۋتاتى ەلنۇر بەيسەنباەۆ ايتتى، دەپ حابارلايدى “ادىرنا” ۇلتتىق پورتالى.
ءماجىلىس كۋلۋارىندا جۋرناليستەر ساۋالىنا جاۋاپ بەرگەن ول قوعامدىق ورىنداردا ءدىني كيىم كيۋگە تىيىم سالىنبايتىنىن ايتتى.
«جالپى قازاقستاندا ءاربىر ءدىني-نانىم سەنىمگە تولىعىمەن ەركىندىك بەرىلگەن. ەرمۇرات سەيتقازىۇلىنىڭ ول جەكە پىكىرى عوي. حيدجاب، نيكابقا قاتىستى ماسەلە ءبىزدى قاراستىرىلىپ جاتقان جوق. ودان دا باسقا ماڭىزدى ماسەلە بار عوي»، - دەدى ەلنۇر بەيسەنباەۆ.
