اتى الەمگە ايگىلى بولعان جەرلەسىمىز ديماش قۇدايبەرگەننىڭ ۇستازى مارات ءايتىموۆ قازاقستاندا اەس سالۋ ماسەلەسى بويىنشا رەفەرەندۋمدا ءوز تاڭداۋىن جاسادى. بۇل تۋرالى ول ءوز Instagram پاراقشاسىندا جاريالادى.
«داۋىس بەرۋگە قاتىسۋ - ءبىزدىڭ ازاماتتىق جاۋاپكەرشىلىگىمزدىڭ ايقىن كورسەتكىشى. سوندىقتان وتانداستارىمدى داۋىس بەرۋگە شاقىرامىن. مەن ءوز تاڭداۋىمدى جاسادىم»، - دەپ جازدى م.ءايتىموۆ.
بۇعان دەيىن، ورتالىق سايلاۋ كوميسسياسى قازاقستانداعى اەس بويىنشا رەفەرەندۋم ورىندالدى دەپ سانالاتىنىن حابارلادى. 14:00-دەگى جاعداي بويىنشا داۋىس بەرگەندەردىڭ سانى 51,77 پروتسەنتتى قۇراعان.