تاسىباەۆتار اۋلەتىنىڭ كەلىندەرى قىزىلتاۋ اۋىلدىق وكرۋگىندە №194 ۋچاسكەدە تاڭداۋ جاسادى.
اۋىزبىرشىلىكتى ۇستانعان، بەس ساۋساعىنان ونەر تامعان ونەرلى كەلىندەر بۇگىنگى ەل بولاشاعى ءۇشىن ماڭىزدى كۇندە بىرلىكتىڭ ۇلگىسىن كورسەتكەن.
ءبىر اۋلەتتەن شىققان سەگىز كەلىننىڭ تورتەۋى ءبىر وتباسىنان بولسا، تورتەۋى – نەمەرە كەلىندەر.
– بىز توي-دۋمانداردا ۇنەمى بىرگە جۇرەمىز. ءتورت ابىسىن اۋىلدا تۇرسا، تورتەۋى قالادا تۇرادى. ەڭ ۇلكەن ابىسىنىمىز رىمگۇل تاسىباەۆا «جۇلدىز» شاعىن ورتالىعىنىڭ تاربيەشىسى. ونىڭ ءوزىنىڭ كەلىنى بار. اتا-ەنەمنىڭ قولىندا جەتى كەلىن بولسا، مەن – ەڭ كەنجەسىمىن، – دەيدى باستاۋىش سىنىپ مۇعالىمى نازىم تاسىباەۆا.
اۋىلدىڭ كوركەيۋىنە ۇلەس قوسىپ كەلە جاتقان اۋلەتتىڭ بالالارى مەن نەمەرەلەرى ءتۇرلى سالادا – ۇستازدىقتان باستاپ، مەملەكەتتىك قىزمەت سالاسىندا ەڭبەك ەتۋدە.
ايتا كەتەرلىگى، تاسىباەۆتار اۋلەتىنىڭ كەلىندەرى الماتىدا وتكەن رەسپۋبليكالىق «ابىسىن-اجىن» ءىىى رەسپۋبليكالىق بايقاۋىندا جۇلدەلى ءىى ورىندى يەلەنگەن.
