قر مادەنيەت جانە اقپارات ءمينيسترى ايدا بالاەۆا ۇلتتىق كىتاپحانا عيماراتىندا ورنالاسقان 164-ءشى ۋچاسكەدە اتوم ەلەكتر ستانساسىنىڭ قۇرىلىسىنا قاتىستى رەفەرەندۋمدا داۋىس بەردى، دەپ حابارلايدى «ادىرنا» ۇلتتىق پورتالى.
مينيستر رەفەرەندۋمنىڭ حالىق ءۇشىن تاعدىرلى شەشىم قابىلداناتىن وتە كۇردەلى ناۋقان ەكەنىن اتاپ ءوتتى.
«اەس-تىڭ سالىنۋ ماسەلەسى ساياسي ماسەلە ەمەس بولسا دا، بۇل ەكونوميكالىق تۇرعىداعى ماسەلە. بۇل ەرتەڭگى ەلىمىزدىڭ دامۋىنا بىردەن-ءبىر ىقپال ەتەتىن ناۋقان. وسى ماسەلەدە ەڭ باستىسى حالقىمىزدىڭ داۋىسى ماڭىزدى. ويتكەنى قوعامدا ءارتۇرلى پىكىرلەر بولعاننان كەيىن مەملەكەت وسى رەفەرەندۋمدى جاساۋعا قادام باستى. مەن دە وسى ەلدىڭ ازاماتى رەتىندە داۋىسىمدى بەردىم. مەنىڭشە، اۋىل تۇرعىندارى بولسىن، قالا تۇرعىندارى بولسىن، جالپى ازاماتتار بەلسەندى داۋىس بەرىپ جاتىر. باق-تان شەت ەلدەگى ازاماتتارىمىزدىڭ دا بەلسەندىلىگىن كورىپ جاتىرمىز. ۇلكەن اۋىلىنىڭ ادامدارى دا وسى ناۋقانعا قاتىسىپ، بەلسەندى داۋىستارىن بەرۋدە. سوندىقتان بۇل ءبىز ءۇشىن وتە ماڭىزدى، تاعدىر كەشتى ماسەلە. ءار ادام وعان نەمقۇرايلى قاراماي، ءوزىنىڭ داۋىسىن بەرۋى كەرەك»، - دەدى ايدا بالاەۆا.
