QR Mádenıet jáne aqparat mınıstri Aıda Balaeva Ulttyq kitaphana ǵımaratynda ornalasqan 164-shi ýchaskede atom elektr stansasynyń qurylysyna qatysty referendýmda daýys berdi, dep habarlaıdy «Adyrna» ulttyq portaly.
Mınıstr referendýmnyń halyq úshin taǵdyrly sheshim qabyldanatyn óte kúrdeli naýqan ekenin atap ótti.
«AES-tyń salyný máselesi saıası másele emes bolsa da, bul ekonomıkalyq turǵydaǵy másele. Bul erteńgi elimizdiń damýyna birden-bir yqpal etetin naýqan. Osy máselede eń bastysy halqymyzdyń daýysy mańyzdy. Óıtkeni qoǵamda ártúrli pikirler bolǵannan keıin memleket osy referendýmdy jasaýǵa qadam basty. Men de osy eldiń azamaty retinde daýysymdy berdim. Menińshe, aýyl turǵyndary bolsyn, qala turǵyndary bolsyn, jalpy azamattar belsendi daýys berip jatyr. BAQ-tan shet eldegi azamattarymyzdyń da belsendiligin kórip jatyrmyz. Úlken aýylynyń adamdary da osy naýqanǵa qatysyp, belsendi daýystaryn berýde. Sondyqtan bul biz úshin óte mańyzdy, taǵdyr keshti másele. Ár adam oǵan nemquraıly qaramaı, óziniń daýysyn berýi kerek», - dedi Aıda Balaeva.
