الماتىدا رەفەرەندۋمعا جازۋشى ساۋلە دوسجان قاتىستى.
قازاقستاننىڭ ەڭبەك سىڭىرگەن قايراتكەرى، اقىن، جازۋشى، قازاقستان جازۋشىلار وداعىنىڭ مۇشەسى ساۋلە دوسجان اەس سالۋ ماسەلەسىنە ارنالعان رەفەرەندۋمعا قاتىستى.
ساۋلە دوسجان الماتىداعى قر پرەزيدەنتى ءىس باسقارماسى مەديتسينالىق ورتالىعىنىڭ ۇلتتىق گوسپيتالىندە ورنالاسقان №112 سايلاۋ ۋچاسكەسىنە باردى.
اقىن ەل بولاشاعىنا قاتىستى وسىنداي ماسەلەلەردى شەشۋگە جاۋاپكەرشىلىكپەن قاراۋدىڭ ماڭىزدىلىعىن اتاپ ءوتتى.
«رەفەرەندۋمعا قاتىسۋ-ماڭىزدى ازاماتتىق بورىش. ءبىز ءبارىمىز ەرتەڭ قانداي بولاتىنىن انىقتايتىن شەشىمدەر قابىلداۋعا قاتىسۋىمىز كەرەك. مەن ءوز ەلىمنىڭ ازاماتى رەتىندە قازاقستاننىڭ بولاشاعى ءۇشىن داۋىس بەردىم»، - دەدى ساۋلە دوسجان.
ەستەرىڭىزگە سالا كەتەيىك، بۇگىن بۇكىل ەل بويىنشا قازاقستان اۋماعىندا اەس سالۋ ماسەلەسى بويىنشا رەسپۋبليكالىق رەفەرەندۋم وتۋدە. الماتىدا 624 سايلاۋ ۋچاسكەسى جۇمىس ىستەيدى، ولار ساعات 20.00-گە دەيىن اشىق بولادى.
الماتى قالاسى وڭىرلىك كوممۋنيكاتسيالار قىزمەتى
