Memlekettık syilyqtyŋ laureaty, opera änşısı Bibıgül Tölegenova atom elektr stansiiasyn salu mäselesı boiynşa referendumǧa qatysty, dep habarlaidy «Adyrna» ūlttyq portaly.
Bibıgül Ahmetqyzy dauysyn üiınde berdı. №559 sailau uchaskesınıŋ ökılderı biulletenderge arnalǧan urnany Bibıgül Ahmetqyzynyŋ tūrǧylyqty mekenjaiyna äkeldı.
Ärtıs būl oqiǧanyŋ el üşın maŋyzdylyǧyn atap öttı. Onyŋ aituynşa, referendumǧa qatysu-ärbır azamattyŋ Qazaqstannyŋ bolaşaǧyna degen jauapkerşılıgı.
"Mūndai şeşımder mūqiiat oilastyrudy qajet etedı, öitkenı olar eldegı qazırgı jaǧdaiǧa ǧana emes, kelesı ūrpaqtyŋ bolaşaǧyna da äser etedı. Men elımız üşın osy maŋyzdy mäselege öz dauysymdy qosa alatynymdy maqtan tūtamyn", - dep atap öttı Bibıgül Ahmetqyzy.
Opera änşısınıŋ aituynşa, Qazaqstan älı de jas memleket jäne ony qoldau kerek, elımız üşın maŋyzdy oqiǧalarǧa qatysyp, sol arqyly memleketımız üşın damudyŋ eŋ jaqsy jolyn taŋdau kerek.
Esterıŋızge sala keteiık, bügın Qazaqstan aumaǧynda atom elektr stansiiasyn salu mäselesı boiynşa respublikalyq referendum ötude. Tūrǧyndar tūrǧylyqty jerı boiynşa sailau uchaskelerıne baryp, saǧat 20.00-ge deiın öz dauystaryn bere alady.
Ūqsas jaŋalyqtar
