اقتوبەدە پودپولكوۆنيك ساربازعا جەرگە تۇسكەن كەسپەنى جەۋگە ماجبۇرلەگەنى ايتىلدى، دەپ حابارلايدى “ادىرنا” ۇلتتىق پورتالى.
“دياپازون” باسىلىمىنىڭ مالىمەتىنشە، سارباز پودپولكوۆنيكتىڭ بۇيرىعىن ورىنداماعانى ءۇشىن ونى سوققىعا جىققان.
اقتوبە گارنيزونىنىڭ اسكەري سوتىندا قورعانىس مينيسترلىگى اسكەري ءبولىمىنىڭ زەنيتتىك زىمىران ديۆيزيوندارى شتابىنىڭ باستىعى "51809" نومىرىمەن وتىردى. پودپولكوۆنيك لاۋازىمدىق وكىلەتتىگىن اسىرا پايدالاندى جانە قاتارداعى جاۋىنگەردى ۇردى دەپ ايىپتالعان.
ءىس ماتەريالدارىندا بىرنەشە ساربازعا تۇسكى اسقا كەشىگىپ كەلگەنى ءۇشىن ەسكەرتۋ جاسالعانى ايتىلۋدا. ءبىر ساربازدىڭ ارقاسىنداعى سومكەسىنەن بىرنەشە جىلدام دايىندالاتىن كەسپە بارىن كورىپ، "اشتان ءولىپ باراسىڭدار ما؟" دەپ ولاردى پاكەتتەگى كەسپەنى جەۋگە ماجبۇرلەگەن. كەيىن جەرگە تۇسكەن كەسپەنى جەپ قويۋدى دا بۇيىرعان.
بۇيرىعى ورىندالماعان پودپولكوۆنيك ءبىر جاۋىنگەردى 8 رەت قۇلاعىنان شاپالاقپەن سالىپ، بەتىنەن جۇدىرىقپەن ۇرعانى ايتىلعان.
ساراپتاما ناتيجەلەرىنە سايكەس، جابىرلەنۋشىنىڭ قۇلاق مەمبراناسى مەن سول قۇلاقتىڭ قۇلاق قالقانى جارىلعان.
سوتتا ايىپتالۋشى قىلمىسىن تولىق مويىنداعان. كەيىننەن سارباز پەن پودپولكوۆنيك تاتۋلاسىپ، قىلمىستىق ءىس قوزعالماعان.
