وسكەمەندە اسكەري بولىمنەن قاشىپ كەتكەن سارباز تابىلدى. بۇل تۋرالى 29 شىلەدەدە اسكەري پوليتسيانىڭ باس باسقارماسى ايتتى، دەپ حابارلايدى «ادىرنا» ءتىلشىسى.
23 شىلدەدە بولىمنەن شىعىپ كەتكەن قاتارداعى جاۋىنگەر اسكەري پوليتسيا بولىمىنە جەتكىزىلگەن.
«ونىڭ ءومىرى مەن دەنساۋلىعىنا ەشقانداي قاۋىپ جوق. الدىن الا مالىمەت بويىنشا، سارباز ءۇيىن ساعىنىپ، قىزمەت ورنىن ءوز بەتىنشە تاستاپ كەتكەن»، - دەلىنگەن حابارلامادا.
وقيعانىڭ سەبەپتەرى مەن ءمان-جايى انىقتالىپ جاتىر. تەكسەرۋ كەزىندە سارباز كومانديرلەر جانە بىرگە قىزمەت اتقاراتىن اسكەري قىزمەتشىلەر تاراپىنان جارعىعا قارسى كەلەتىن قارىم-قاتىناس پەن لاۋازىمدىق وكىلەتتىكتەردى اسىرا پايدالانۋ فاكتىلەرى بولماعانىن جەتكىزدى.
ەستەرىڭىزگە سالا كەتەيىك، بۇعان دەيىن قر قارۋلى كۇشتەرى اسكەري پوليتسياسىنىڭ باس باسقارماسى قىزمەت ورنىن ءوز بەتىنشە تاستاپ كەتكەن مەرزىمدى اسكەري قىزمەتكەرگە ىزدەۋ جاريالانعانىن جازعان ەدىك.
