Ózbekstan Taıaý Shyǵystaǵy jaǵdaıdyń kúrt shıelenisýine alańdaýly. Bul týraly Ózbekstannyń Syrtqy ister mınıstrligi málimdeme jasady, dep habarlaıdy “Adyrna” ulttyq portaly.
«Ózbekstan Taıaý Shyǵystaǵy jaǵdaıdyń kúrt shıelenisýine alańdaýly. Qaqtyǵystyń arta túsýi búkil halyqaralyq qaýymdastyq úshin teris saldarǵa, aımaqta qaýip-qaterdiń eselenýine ákelýi yqtımal dep sanaımyz. Qarsylas taraptardy ustamdylyq tanytýǵa jáne jaǵdaıdy odan ári shıelenistiretin áreketterge barmaýǵa shaqyramyz», - delingen Ózbekstannyń syrtqy saıası vedomstvosynyń málimdemesinde.
Sondaı-aq, Ózbekstan halyqaralyq normalar men BUU Qaýipsizdik keńesiniń sheshimderine sáıkes, qaqtyǵysty beıbit jolmen retteýge baǵyttalǵan sharalar qabyldaý qajettigin atap ótti.
