ءيزرايلدىڭ بەيرۋت ورتالىعىنا جاسالعان اۋە شابۋىلىنان كەم دەگەندە التى ادام قازا تاپقانى ايتىلدى، دەپ حابارلايدى "ادىرنا" ۇلتتىق پورتالى.
ۆۆس مالىمەتىنشە، سارسەنبى كۇنگى شابۋىلدان 11 ادام جارالانعان. ليۆان دەنساۋلىق ساقتاۋ مينيسترلىگى سوققى سالدارىنان "حەزبوللاعا" تيەسىلى مەديتسينالىق مەكەمە زاقىمدانعانىن حابارلادى.
شەتەلدىك باق بەيرۋتتىڭ وڭتۇستىگىندە دە ءۇش جارىلىس بولعانىن، ودان كەيىن تاعى ەكى جارىلىس تىركەلگەنىن مالىمدەدى. سالدارىنان ليۆان پارلامەنتى مەن بۇۇ-نىڭ ايماقتىق شتاب-پاتەرى ماڭىنداعى ءال-باشۋرا اۋدانىنداعى عيمارات قيراعان. يزرايل اسكەرى دۇيسەنبى تۇندە بەيرۋت ورتالىعىنا العاشقى شابۋىلىن باستادى، نەگىزىنەن "حەزبوللا" نىساندارى شوعىرلانعان قالانىڭ وڭتۇستىك شەتىنە شابۋىل جاسالعان.
يزرايل اسكەريلەرى تۇندە تاعى دا ليۆان استاناسىنىڭ وڭتۇستىگىندەگى كەيبىر اۋدانداردىڭ تۇرعىندارىنا تساحال ولارعا شابۋىل جاساۋدى جوسپارلاعاندىقتان، اۋماقتان كەتىپ قالۋ قاجەت ەكەنىن ەسكەرتكەن.
"سىزدەر "حەزبوللاعا" تيەسىلى نىسانداردىڭ جانىنداسىزدار، ارميا جاقىن ارادا ولارعا قارسى ارەكەت ەتەدى", - دەپ مالىمدەدى تساحال وكىلى اۆيحاي ادراي.
ايتا كەتەيىك، 1 قازاندا يراننىڭ يزرايلگە جاساعان زىمىراندىق شابۋىلىنان ءبىر ادام قازا تاۋىپ، ءۇش ادام جاراقات العان بولاتىن.
