يران پرەزيدەنتى سوڭعى رەت وتىرعان تىكۇشاقتىڭ قۇلاۋىنا تەحنيكالىق اقاۋ سەبەپ بولۋى مۇمكىن، دەپ حابارلايدى "ادىرنا" ۇلتتىق پورتالى IRNA-عا سىلتەپ.
تىكۇشاقتىڭ 1979 جىلعى يسلام رەۆوليۋتسياسىنا دەيىن ساتىپ الىنعان بولۋى مۇمكىن ەكەنى بەلگىلى بولدى. ساراپشىلار اتاپ وتكەندەي، قۇلاعان امەريكالىق Bell 212 تىكۇشاعىنا 40 جىلدان اسقان.
مامانداردىڭ ايتۋىنشا، تەحنيكا بۇعان دەيىن ءوزىنىڭ بەرىكتىگىن كورسەتىپ كەلگەن. الايدا باق مالىمەتىنشە، تەگەران رەجيمىنىڭ ونداعان جىلدار بويى باتىستىق سانكتسيالارعا ۇشىراعان جانە تىكۇشاققا دۇرىس تەحنيكالىق قىزمەت كورسەتۋگە كەپىلدىك بەرۋ قيىن بولعان.
ۇشاقتىڭ اپاتقا ۇشىراۋىنا 19 مامىردا بولعان قاتتى تۇمان مەن نايزاعاي باقىلاۋعا كەدەرگى كەلتىرۋى، يراننىڭ سولتۇستىك-باتىسىندا، ەلدىڭ ءازىربايجان شەكاراسىنان 20 شاقىرىم جەردە تىكۇشاق اپاتىنا ىقپال ەتكەن بولۋى مۇمكىن ەكەنى دە ايتىلدى.
يراننىڭ جەرگىلىكتى باسىلىمدارىندا پرەزيدەنت ساپارلارى ءۇشىن ادەتتە وزگە تىكۇشاقتاردىڭ تاڭدالاتىنى دا حابارلانعان.
«ادەتتە، ءرايسيدىڭ ساپارلارى ءۇشىن تىكۇشاقتار رەسەيدە جاسالعان ۇلگىلەردەن تاڭدالدى، ال تەبريزگە بارۋ ءۇشىن 45 جىل بۇرىن قۇراستىرىلعان امەريكاندىق تىكۇشاق الىنعان. ال ۇشقىشتار رەۆوليۋتسيالىق ساقشىلار كورپۋسىنان بەكىتىلگەن", - دەلىنگەن يراننىڭ جەرگىلىكتى باسىلىمدارىندا.
تىكۇشاق ستاندارتتى GPRS جانە ترانسپوندەرلەردى قوسا العاندا ءۇش ءتۇرلى باقىلاۋ جۇيەسىمەن جابدىقتالعان بولسا دا اپاتقا ۇشىراعان تىكۇشاقتىڭ ورنالاسقان جەرىن انىقتاۋ مۇمكىن بولماعان. تۇرىك بيلىگى تىكۇشاقتى انىقتاۋ جۇيەسى وشىرىلگەن نەمەسە مۇلدەم بولعانىن، تىكۇشاقتان سيگنال بولماعانىن اتاپ ءوتتى.
سونداي-اق يراندىق دەرەككوزدىڭ حابارلاۋىنشا، جولاۋشىلار قۇرامى تىكۇشاق اۋەگە كوتەرىلەر الدىندا وزگەرتىلگەن.
«سىرتقى ىستەر ءمينيسترى ابدوللاحيان مەن تابريز گۋبەرناتورى ماليك راحمەتي №2 تىكۇشاقتا ۇشۋى كەرەك ەدى، بىراق سوڭعى ساتتە ولارمەن بىرگە تەبريز يمامى مۇحاممەد ءال-حاشەم دە ۇشاققا وتىرعىزىلعان»، - دەپ جازادى Turkiye اگەنتتىگى.
