گااگاداعى حالىقارالىق قىلمىستىق سوتتىڭ (حقس) يزرايل پرەمەر-ءمينيسترى بەنيامين نەتانياحۋعا قاتىستى شىعارعان قاماۋعا الۋ وردەرى جەتكىلىكسىز، ونىڭ ۇستىنەن ءولىم جازاسىنا ۇكىم شىعارۋ قاجەت دەلىندى. بۇل تۋرالى يراننىڭ رۋحاني كوشباسشىسى اياتوللا ءالي حامەنەي مالىمدەدى، دەپ حابارلايدى “ادىرنا” ۇلتتىق پورتالى يراننىڭ رەسمي باق*ىنا سىلتەپ.
«سيونيستىك رەجيم گازا سەكتورىندا اسكەري قىلمىس جاسادى. قاماۋعا الۋ وردەرىن شىعارۋ جەتكىلىكسىز. نەتانياحۋعا جانە وسى رەجيمنىڭ قىلمىستىق باسشىلارىنا ءولىم جازاسى شىعارىلۋى كەرەك»، – دەدى حامەنەي «باسيدج» ميليتسياسىنىڭ مۇشەلەرىمەن كەزدەسۋ بارىسىندا.
21 قاراشادا حقس گازا سەكتورىندا جاسالعان اسكەري قىلمىستار مەن ادامزاتقا قارسى قىلمىستار ءۇشىن يزرايل پرەمەر-ءمينيسترى بەنيامين نەتانياحۋعا جانە ەلدىڭ قورعانىس مينيسترلىگىنىڭ بۇرىنعى باسشىسى يواۆ گالانتقا قاماۋعا الۋ وردەرىن شىعارعان ەدى.
