Izraıldiń Beırýt ortalyǵyna jasalǵan áýe shabýylynan kem degende alty adam qaza tapqany aıtyldy, dep habarlaıdy "Adyrna" ulttyq portaly.
VVS málimetinshe, sársenbi kúngi shabýyldan 11 adam jaralanǵan. Lıvan densaýlyq saqtaý mınıstrligi soqqy saldarynan "Hezbollaǵa" tıesili medıınalyq mekeme zaqymdanǵanyn habarlady.
Sheteldik BAQ Beırýttyń ońtústiginde de úsh jarylys bolǵanyn, odan keıin taǵy eki jarylys tirkelgenin málimdedi. Saldarynan Lıvan parlamenti men BUU-nyń aımaqtyq shtab-páteri mańyndaǵy Ál-Bashýra aýdanyndaǵy ǵımarat qıraǵan. Izraıl áskeri dúısenbi túnde Beırýt ortalyǵyna alǵashqy shabýylyn bastady, negizinen "Hezbolla" nysandary shoǵyrlanǵan qalanyń ońtústik shetine shabýyl jasalǵan.
Izraıl áskerıleri túnde taǵy da Lıvan astanasynyń ońtústigindegi keıbir aýdandardyń turǵyndaryna AHAL olarǵa shabýyl jasaýdy josparlaǵandyqtan, aýmaqtan ketip qalý qajet ekenin eskertken.
"Sizder "Hezbollaǵa" tıesili nysandardyń janyndasyzdar, armııa jaqyn arada olarǵa qarsy áreket etedi", - dep málimdedi AHAL ókili Avıhaı Adraı.
Aıta keteıik, 1 qazanda Irannyń Izraılge jasaǵan zymyrandyq shabýylynan bir adam qaza taýyp, úsh adam jaraqat alǵan bolatyn.
