كونستيتۋتسيالىق تۇزەتۋلەر مەملەكەتتىگىمىزدىڭ تۇعىرناماسىن تۇبەگەيلى وزگەرتەدى - توقاەۆ

867
فوتو: اقوردا
فوتو: اقوردا

پرەزيدەنت قاسىم-جومارت توقاەۆ 5 ماۋسىمدا وتكەن رەفەرەندۋم تۋرالى ۇندەۋ جاسادى، دەپ حابارلايدى “ادىرنا” ۇلتتىق پورتالى.

"قۇرمەتتى وتانداستار! كەشە ەلىمىزدە ەرەكشە تاريحي ءمانى بار وقيعا بولدى. مەملەكەتىمىز دامۋدىڭ جاڭا كەزەڭىنە قادام باستى. اتا زاڭىمىزعا ۇسىنىلعان وزگەرىستەردى ازاماتتاردىڭ باسىم كوپشىلىگى قولدادى. رەفەرەندۋم جوعارى دەڭگەيدە ءوتتى. مۇنى حالىقارالىق جانە وتاندىق بايقاۋشىلار دا ايتىپ جاتىر. كونستيتۋتسيالىق رەفورمالار قوعامدا قىزۋ تالقىلاندى. داۋىس بەرۋ دەموكراتيا تالاپتارىنا ساي ءوتتى. ەشقانداي ماجبۇرلىك بولعان جوق. رەفەرەندۋم ناتيجەسى ساياسي جاڭعىرۋدىڭ انىق سيمۆولىنا اينالدى. ازاماتتارىمىز زور جاۋاپكەرشىلىك تانىتتى جانە وتانسۇيگىشتىك قاسيەتىن پاش ەتتى. ءبىز جاڭا، ادىلەتتى قازاقستاندى قۇرۋ جولىنداعى بىرلىگىمىز بەكەم ەكەنىن كورسەتتىك. 

كونستيتۋتسيالىق تۇزەتۋلەر مەملەكەتتىگىمىزدىڭ تۇعىرناماسىن تۇبەگەيلى وزگەرتەدى. بۇكىل قوعامنىڭ دامۋىنا تىڭ سەرپىن بەرەدى. رەفەرەندۋمعا بەلسەنە قاتىسىپ، قولداۋ بىلدىرگەن بارشا حالقىمىزعا زور ريزاشىلىعىمدى بىلدىرەمىن. سونداي-اق كونستيتۋتسيالىق وزگەرىستەردىڭ ءمان-ماعىناسىن تۇسىندىرۋگە اتسالىسقان ازاماتتارعا ءتۇرلى قوعامدىق ۇيىمدارعا العىس ايتامىن", - دەدى پرەزيدەنت ۇندەۋىندە.

“ادىرنا” ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket