Еуропадағы Қауіпсіздік және Ынтымақтастық Ұйымы (ЕҚЫҰ) Демократиялық институттар және адам құқықтары бюросы Қазақстанда атом электр стансасының құрылысына қатысты референдумды бақыламайды. Бұл туралы Орталық референдум комиссиясының хатшысы Мұхтар Ерман айтты, деп хабарлайды “Адырна” ұлттық порталы.
«17 қыркүйекте біз ЕҚЫҰ-ның Демократиялық институттар және адам құқықтары жөніндегі бюросынан алдағы айларға жоспарланған сайлауға байланысты іс-шаралардың көптігін ескере отырып, 6 қазандағы референдумды бақылау бойынша іс-шараларды бастау мүмкіндігінің жоқтығы туралы жауап алдық. ” -деп мәлімдеді Орталық референдум комиссиясының хатшысы Мұхтар Ерман.
АЭС құрылысына қатысты референдумға әлемнің 30 елінен 177 байқаушы, оның ішінде төрт ірі халықаралық ұйым – ТМД, ШЫҰ, UTG және SVDMA аккредиттелді.
Сондай-ақ референдумды 37 елден 200 шетелдік журналист бақылайды.
