نۇرلان ءالىمجان دەپۋتاتتىعى تۋرالى ايتىپ بەردى، دەپ حابارلايدى Stan.kz اقپارات اگەنتتىگى Liter.kz باسىلىمىنا سىلتەمە جاساپ.
جاقىندا بەلگىلى ونەر يەسى نۇرلان ءالىمجانوۆتىڭ ءماجىلىس دەپۋتاتىنا كانديداتتىعىن ۇسىنعانى بەلگىلى بولدى. اكتەر پارلامەنتتىڭ تومەنگى پالاتاسىندا شەنەۋنىك بولۋدان ءۇمىتتى كورىنەدى. مەملەكەتتىك قىزمەتكە اۋىسۋ تۋرالى نۇرلان ءالىمجانوۆتىڭ ءوزى ايتىپ بەرگەن بولاتىن.
"يا، ارينە، بۇل مەن ءۇشىن جاڭا بەلەس. مەن ارقاشان ەلگە جانە قوعامعا پايدالى بولۋعا تىرىستىم. ماعان مۇمكىندىك بەرىلگەنىنە قۋانىشتىمىن. مەنى دەپۋتاتتىققا ۇسىنۋ تۋرالى شەشىم كۇتپەگەن جەردەن قابىلداندى دەپ ايتۋ قاتەلىك. 2017 جىلى مەن دەپۋتاتتىققا ۇمىتكەر بولدىم. مەن "نۇر وتان" پارتياسىنىڭ قۇرامىنا 2009 جىلدان بەرى بارمىن", - دەيدى نۇرلان ءالىمجانوۆ.
بۇرىننان-اق پارتيا قۇرامىندا بولعان ول تاعدىرىنا العىس ايتتى. ادام جاڭا بەلەستى باعىندىرۋ ءۇشىن ۇنەمى دامىپ وتىرۋ كەرەك دەپ قىسقا قايىردى ول. ونەر يەسىنىڭ ايتۋىنشا دەپۋتات بولۋ ۇلكەن جاۋاپكەرشىلىكتى تالاپ ەتەدى. دەگەنمەن، ول ساياساتقا سانالى تۇردە كەلدىم دەپ اعىنان جارىلدى.
"مەن وسى اۋقىمدى جوباعا قاتىسقانىم ءۇشىن تاعدىرىما ريزامىن. بۇرىندارى مەننەن ساياساتقا بارعىڭىز كەلە مە دەپ ءجيى سۇرايتىن، ءدال سولاي بولدى. ەگەر ادام ءوزىن-ءوزى جەتىلدىرۋدى توقتاتپاي، كۇن سايىن دامىپ، الدىنا ۇلكەن ماقساتتار مەن مىندەتتەر قويسا، ولارعا قول جەتكىزەدى. مەن ساياساتقا سانالى تۇردە كەلدىم دەپ ناقتى ايتا الامىن. قالاي بولعاندا دا، مەنى دەپۋتات ەتىپ سايلاۋ ۇلكەن جاۋاپكەرشىلىك جۇكتەيدى جانە مەن قازاقستان حالقىنىڭ يگىلىگى ءۇشىن جۇمىس ىستەۋگە بار كۇشىمدى سالامىن", - دەيدى نۇرلان ءالىمجانوۆ.
"ادىرنا" ۇلتتىق پورتالى
