Nurlan Álimjan depýtattyǵy týraly aıtyp berdi, dep habarlaıdy Stan.kz aqparat agenttigi Liter.kz basylymyna silteme jasap.
Jaqynda belgili óner ıesi Nurlan Álimjanovtyń májilis depýtatyna kandıdattyǵyn usynǵany belgili boldy. Akter parlamenttiń tómengi palatasynda sheneýnik bolýdan úmitti kórinedi. Memlekettik qyzmetke aýysý týraly Nurlan Álimjanovtyń ózi aıtyp bergen bolatyn.
"Iıa, árıne, bul men úshin jańa beles. Men árqashan elge jáne qoǵamǵa paıdaly bolýǵa tyrystym. Maǵan múmkindik berilgenine qýanyshtymyn. Meni depýtattyqqa usyný týraly sheshim kútpegen jerden qabyldandy dep aıtý qatelik. 2017 jyly men depýtattyqqa úmitker boldym. Men "Nur Otan" partııasynyń quramyna 2009 jyldan beri barmyn", - deıdi Nurlan Álimjanov.
Burynnan-aq partııa quramynda bolǵan ol taǵdyryna alǵys aıtty. Adam jańa belesti baǵyndyrý úshin únemi damyp otyrý kerek dep qysqa qaıyrdy ol. Óner ıesiniń aıtýynsha depýtat bolý úlken jaýapkershilikti talap etedi. Degenmen, ol saıasatqa sanaly túrde keldim dep aǵynan jaryldy.
"Men osy aýqymdy jobaǵa qatysqanym úshin taǵdyryma rızamyn. Buryndary mennen saıasatqa barǵyńyz kele me dep jıi suraıtyn, dál solaı boldy. Eger adam ózin-ózi jetildirýdi toqtatpaı, kún saıyn damyp, aldyna úlken maqsattar men mindetter qoısa, olarǵa qol jetkizedi. Men saıasatqa sanaly túrde keldim dep naqty aıta alamyn. Qalaı bolǵanda da, meni depýtat etip saılaý úlken jaýapkershilik júkteıdi jáne men Qazaqstan halqynyń ıgiligi úshin jumys isteýge bar kúshimdi salamyn", - deıdi Nurlan Álimjanov.
"Adyrna" ulttyq portaly
