بلوگەر اندرەي چەبوتارەۆ استانا تۇرعىندارىنا بوقتىق سوزدەر ايتىپ، ولارعا ءولىم تىلەگەنى ءۇشىن 20 اەك (78 640 مىڭ تەڭگە) ايىپپۇلمەن جازالاندى، دەپ حابارلايدى "ادىرنا" ۇلتتىق پورتالى.
«الەۋمەتتىك جەلىلەردى مونيتورينگتەۋ بارىسىندا پوليتسيا قىزمەتكەرلەرى 52 جاستاعى بلوگەردىڭ استانا قالاسىنىڭ تۇرعىندارىنا قاتىستى، سونىڭ ىشىندە ءولىم تىلەۋدى قامتيتىن، قورلايتىن سوزدەر ايتىلعان جاريالانىمىن انىقتادى. ونىڭ ايتۋىنشا، ول بۇل ارقىلى جول ەرەجەسىن بۇزاتىن جۇرگىزۋشىلەردىڭ ارەكەتىنە دەگەن نارازىلىعىن بىلدىرمەك بولعان. ناتيجەسىندە جاريالانىم اۆتورى قر اقبتك-ءنىڭ 434-بابى بويىنشا اكىمشىلىك جاۋاپكەرشىلىككە تارتىلدى. سوت شەشىمىمەن وعان 20 اەك كولەمىندە ايىپپۇل سالىندى»، — دەلىنگەن استانا پد ءباسپاسوز قىزمەتىنىڭ حابارلاماسىندا.
سونداي-اق پوليتسيا قوعامدى، سونىڭ ىشىندە الەۋمەتتىك جەلىلەردە، كوپشىلىك الدىندا ەتيكا نورمالارىن ساقتاۋعا شاقىردى.
