فوتو جي كومەگىمەن جاسالعان
استانادا بالاباقشادا ءبىر جارىم جاستاعى بالانىڭ اۋىر كۇيىك الۋىنا بايلانىستى قىلمىستىق ءىس قوزعالدى، دەپ حابارلايدى “ادىرنا”.
الەۋمەتتىك جەلىدە تاراعان اقپاراتقا سايكەس، وقيعا 2 قازاندا بولعان. بالا ىستىق سورپاعا كۇيىپ، دەنەسىنىڭ 10 پايىزى ءۇشىنشى دارەجەلى كۇيىك العان.
بالانىڭ اناسىنىڭ ايتۋىنشا، بالاباقشا وكىلدەرى وقيعاعا وزدەرىنىڭ قاتىسى بار ەكەنىن جوققا شىعارعان.
استانا قالالىق پوليتسيا دەپارتامەنتىنىڭ مالىمەتىنشە، اتالعان دەرەك بويىنشا سوتقا دەيىنگى تەرگەپ-تەكسەرۋ باستالعان. قازىر وقيعانىڭ بارلىق ءمان-جايى انىقتالىپ جاتىر.
«بالاباقشا قىزمەتكەرىنىڭ كامەلەتكە تولماعان بالانىڭ قاۋىپسىزدىگىن قامتاماسىز ەتۋ جونىندەگى مىندەتتەرىن تيىسىنشە ورىنداماۋى» دەرەگى بويىنشا قىلمىستىق ءىس قوزعالدى. تەرگەۋ اياسىندا بەينەباقىلاۋ كامەرالارىنداعى جازبالار الىنىپ، زەردەلەنىپ جاتىر»، – دەلىنگەن پوليتسيا حابارلاماسىندا.
