Astanadaǧy köpqabatty üilerdıŋ bırınde balkon qūlady. Būl turaly video paida boldy. Oqiǧanyŋ män-jaiyn qalalyq TJD baspasöz qyzmetı mälımdedı, dep habarlaidy “Adyrna” ūlttyq portaly..
Aqparatqa säikes, balkonda adam bolǧan. Ol temır torlardan ūstap ülgerıp, aman qalǧan.
“Oqiǧa ornyna jetkende qūtqaruşylar «Jaryq» PİK ökılderımen bırlesıp, tūrǧyndar men ötıp bara jatqandarǧa yqtimal qauıpterdıŋ aldyn alu üşın qauıptı aumaqty qorşady. Kondominium obektısınıŋ ortaq mülkın, onyŋ ışınde balkondardy jöndeu jäne qalpyna keltıru boiynşa odan ärı jūmystyŋ «Qazaqstan Respublikasynyŋ tūrǧyn üi qatynastary turaly» Zaŋyna säikes, tūrǧyn üi ielerı men PİK jauapkerşılıgınde ekenın atap ötken jön. Astana qalasynyŋ TJD osyndai tötenşe jaǧdailardyŋ aldyn alu maqsatynda Saryarqa audanynyŋ TJB-ǧa, Astana qalasynyŋ tūrǧyn üi-kommunaldyq şaruaşylyǧy basqarmasyna, Saryarqa audany äkımınıŋ apparatyna tiıstı şaralar qabyldau turaly hat joldady”, - delıngen TJD habarlamasynda.
Vedomstvo halyqty tek tekserılgen aqparatqa senuge jäne naqty derekterdı alu üşın resmi derekközderge jügınuge şaqyrdy.
Ūqsas jaŋalyqtar
