تاراز قالاسىنىڭ اكىمى باقىتجان ورىنبەكوۆ «بايتەرەك» (13) شاعىن اۋدانىنداعى №14, 39 كوپقاباتتى تۇرعىن ۇيلەرگە ات باسىن بۇردى.
مۇندا قازىر جاڭعىرتۋ جۇمىستارى جۇرگىزىلۋدە. ايتالىق، №14 كوپپاتەرلى تۇرعىن ءۇيدىڭ ارلەۋ، پاراپەد جانە №39 ءۇيدىڭ شاتىرىن اعىمداعى جوندەۋ ءۇشىن جوبالىق-سمەتالىق قۇجاتتارى ازىرلەنىپ، دەمونتاجدىق جانە جاڭعىرتۋ جۇمىستارى قولعا الىنعان.
الايدا، شاھار باسشىسى اتقارىلعان جۇمىستارعا كوڭىلى تولمايتىنىن جاسىرمادى. سەبەبى، قۇرىلىس ساپاسى تومەن ءارى كوپتەگەن كەمشىلىككە جول بەرىلگەن.
ءوز كەزەگىندە باقىتجان امىربەكۇلى ولقىلىقتىڭ ورنىن دەرەۋ تولتىرىپ، جۇمىستاردى جوعارى دەڭگەيدە ورىنداۋ قاجەتتىگىن باسا ايتتى.
سونىمەن قاتار قالا اكىمى تولە بي داڭعىلى، №11 مەكەنجايىندا ورنالاسقان جاتاقحانانى قايتا جاڭعىرتۋ جۇمىستارىن كوردى.
اتالعان تۇرعىنجايدىڭ كۇردەلى جوندەۋ جۇمىسىنا قاتىستى جسق ازىرلەنىپ، ىشكى كۇردەلى جوندەۋ جۇمىسى اياقتالعان. ەندى سىرتقى كۇردەلى جوندەۋ جۇمىسىنا جسق دايىندالىپ، ناقتىلاۋعا ۇسىنىلعان.
