استانادا بوتەننىڭ مۇلكىنە زيان كەلتىرگەن بۇزاقىلار جاۋاپقا تارتىلدى، - دەپ حابارلايدى “ادىرنا” ۇلتتىق پورتالى استانا اكىمدىگىنىڭ رەسمي سايتىنا سىلتەمە جاساپ.
ولاردىڭ ءبىرى 34 جاستاعى ايەل بولعان.
«22 قىركۇيەك كۇنى كەشكى ساعات جەتىلەر شاماسىندا ول جانسۇگىروۆ كوشەسىندەگى ءۇيدىڭ تەرەزەسىن سىندىرىپ، ءوز ارەكەتىمەن 36 145 تەڭگە كولەمىندە شىعىن كەلتىرگەن. وسىعان ۇقساس جاعداي مۇحامەدحانوۆ 12 كوشەسى مەكەنجايىندا بولعان. وندا 39 جاستاعى ەر ادام كىرەبەرىستەگى پاتەرلەردى قاساقانا بۇلدىرگەن»، - دەپ حابارلادى اكىمدىكتەن.
ەكى ءتارتىپ بۇزۋشى دا اكىمشىلىك جاۋاپكەرشىلىككە تارتىلىپ، ايىپپۇل ارقالادى.
«ءۆانداليزمدى توقتاتۋ» اكتسياسى اياسىندا استانادا كۇندىز-ءتۇنى رەيدتەر جۇرگىزىلىپ، تۇرعىندار اراسىندا قوعامدىق ءتارتىپتى ساقتاۋ مەن قالا مەنشىگىنە قامقورلىق جاساۋدىڭ ماڭىزدىلىعى تۋرالى ءتۇسىندىرۋ جۇمىستارى جۇرگىزىلۋدە.
اكتسيانىڭ ماقساتى – ەلوردادا كەز كەلگەن بۇزاقىلىق كورىنىستەرىن توقتاتۋ جانە تازالىق پەن ءتارتىپتى ساقتاۋ. اكتسياعا ەرىكتىلەر، بەلسەندىلەر، تانىمال سپورتشىلار، قوعام قايراتكەرلەرى جانە قالا تۇرعىندارى قاتىستى.
جىل باسىنان بەرى سوت بوتەننىڭ مۇلكىنە قاساقانا زيان كەلتىرگەن، قوعامدىق اۋماقتاردى لاستاعان، عيماراتتار مەن تۇرعىن ۇيلەرگە زاقىم كەلتىرگەن 250 ادامدى جازالاعان. ولاردىڭ بارلىعى جاۋاپقا تارتىلدى.
بۇزاقىلىقتىڭ الدىن الۋ جۇمىستارى قالالىق پروكۋراتۋرامەن جانە ىشكى ىستەر بولىمىمەن كەلىسە وتىرىپ جۇرگىزىلۋدە.
