"ادىرنا" ۇلتتىق پورتالىنىڭ كەزەكتى سۇحباتى سالت-ءداستۇر تۋراسىندا ءوربىدى.
«تارازى» باعدارلاماسىنىڭ كەزەكتى شىعارىلىمىنىڭ قوناقتارى - فرانتسيالىق ەتنولوگ كليمەنت جاكمۋ جانە قازاقستاندىق ەتنوگراف عالىم پروفەسسور تاتتىگۇل قارتاەۆا.
ماماندار قازاقتىڭ ءداستۇرلى شارۋاشىلىعى، ادەت - عۇرىپ، سالت-ءداستۇر جايلى پىكىر الماسادى. قازاق شارۋاشىلىعىنىڭ، سالت- ءداستۇردىڭ ترانسفورماتسياعا تۇسۋىندەگى ەرەكشەلىكتەر ايتىلادى. شەتەلدىك زەرتتەۋشىنى ءبىر كەزدەگى مال تۇرىندەگى تولەمنىڭ بۇگىنگى كورىنىسى، توي-تومالاقتىڭ قارجىلىق قىرى دا قىزىقتىرادى.
ەتنولوگ كليمەنت جاكمۋ بۇل تاقىرىپتى التايلىقتار مەن قازاقتار اراسىندا سالىستىرا وتىرىپ باياندايدى. ەتنوگراف تاتتىگۇل قارتاەۆا قازىرگى ناۋرىز مەرەكەسىندەگى بۇرمالاۋ بەلەڭ العانىن سىنايدى. ونى «رۋحاني ۆانداليزم» دەپ اتاعان عالىم كەيىن جولاي قوسىلعان ۇعىمدار جايىنا توقتالادى. عالىم ءداستۇرلى قوعامداعى ورازا تۋرالى دا وي-پىكىرلەرىمەن بولىسكەن.
"ادىرنا" ۇلتتىق پورتالىنىڭ youtube ارناسى ەلىمىزدەگى قىزىقتى وقيعالاردى، ءتۇرلى اقپاراتتاردى، پايدالى سۇحباتتاردى جاريالاپ، سىزدەردىڭ سەنىمدەرىڭىزدەن شىعادى دەپ ۇمىتتەنەمىز.
