Astanada bótenniń múlkine zııan keltirgen buzaqylar jaýapqa tartyldy, - dep habarlaıdy “Adyrna” ulttyq portaly Astana ákimdiginiń resmı saıtyna silteme jasap.
Olardyń biri 34 jastaǵy áıel bolǵan.
«22 qyrkúıek kúni keshki saǵat jetiler shamasynda ol Jansúgirov kóshesindegi úıdiń terezesin syndyryp, óz áreketimen 36 145 teńge kóleminde shyǵyn keltirgen. Osyǵan uqsas jaǵdaı Muhamedhanov 12 kóshesi mekenjaıynda bolǵan. Onda 39 jastaǵy er adam kireberistegi páterlerdi qasaqana búldirgen», - dep habarlady ákimdikten.
Eki tártip buzýshy da ákimshilik jaýapkershilikke tartylyp, aıyppul arqalady.
«Vandalızmdi toqtatý» akııasy aıasynda Astanada kúndiz-túni reıdter júrgizilip, turǵyndar arasynda qoǵamdyq tártipti saqtaý men qala menshigine qamqorlyq jasaýdyń mańyzdylyǵy týraly túsindirý jumystary júrgizilýde.
Akııanyń maqsaty – elordada kez kelgen buzaqylyq kórinisterin toqtatý jáne tazalyq pen tártipti saqtaý. Akııaǵa eriktiler, belsendiler, tanymal sportshylar, qoǵam qaıratkerleri jáne qala turǵyndary qatysty.
Jyl basynan beri sot bótenniń múlkine qasaqana zııan keltirgen, qoǵamdyq aýmaqtardy lastaǵan, ǵımarattar men turǵyn úılerge zaqym keltirgen 250 adamdy jazalaǵan. Olardyń barlyǵy jaýapqa tartyldy.
Buzaqylyqtyń aldyn alý jumystary qalalyq prokýratýramen jáne ishki ister bólimimen kelise otyryp júrgizilýde.
