«ءحارري پوتتەر» فيلمىندە پروفەسسور ماكگوناگالل ءرولىن سومداعان بريتان اكتريساسى مەگگي سميت 89 جاسىندا قايتىس بولدى. بۇل تۋرالى شەتەلدىك باق وكىلدەرى جاريالادى، دەپ حابارلايدى “ادىرنا” ۇلتتىق پورتالى.
مارگارەت ناتالي سميت كوپشىلىككە مەگگي سميت ەسىمىمەن تانىمال. ول 1934 جىلى 28 جەلتوقساندا ۇلىبريتانيانىڭ ەسسەكس ايماعىندا يلفورد قالاسىندا دۇنيەگە كەلگەن.
وكسفورد ۋنيۆەرسيتەتىندە ءبىلىم العان. ساحناعا العاش رەت وسى وقۋ ورداسىنىڭ قابىرعاسىندا شىقتى.
1952 جىلدان باستاپ كاسىبي تەاتردا ويناعان.
ال كينودا كوبىندە قاتال مىنەزدى ادامداردىڭ ءرولىن سومدادى. سونىڭ ءبىرى — «ءحارري پوتتەر» فرانشيزاسىنداعى پروفەسسور مينەرۆا ماكگوناگال.
2007 جىلى سميت ءسۇت بەزى قاتەرلى ىسىگىنە شالدىقتى، بۇل «ءحارري پوتتەردىڭ» التىنشى ءبولىمىن ءتۇسىرۋ كەزىندە بەلگىلى بولعان.
اۋىر سىرقاتىنا قاراماستان اكتريسا ءتۇسىرىلىمىن ۇزگەن جوق.
مەگگي سميت — ەكى مارتە «وسكار»، جەتى مارتە BAFTA, سونداي-اق «التىن گلوبۋس» سىيلىعىنىڭ ءۇش دۇركىن يەگەرى.
