«Hárrı Potter» fılminde professor MakGonagall rólin somdaǵan brıtan aktrısasy Meggı Smıt 89 jasynda qaıtys boldy. Bul týraly sheteldik BAQ ókilderi jarııalady, dep habarlaıdy “Adyrna” ulttyq portaly.
Margaret Natalı Smıt kópshilikke Meggı Smıt esimimen tanymal. Ol 1934 jyly 28 jeltoqsanda Ulybrıtanııanyń Esseks aımaǵynda Ilford qalasynda dúnıege kelgen.
Oksford ýnıversıtetinde bilim alǵan. Sahnaǵa alǵash ret osy oqý ordasynyń qabyrǵasynda shyqty.
1952 jyldan bastap kásibı teatrda oınaǵan.
Al kınoda kóbinde qatal minezdi adamdardyń rólin somdady. Sonyń biri — «Hárrı Potter» franshızasyndaǵy professor Mınerva Makgonagal.
2007 jyly Smıt sút bezi qaterli isigine shaldyqty, bul «Hárrı Potterdiń» altynshy bólimin túsirý kezinde belgili bolǵan.
Aýyr syrqatyna qaramastan aktrısa túsirilimin úzgen joq.
Meggı Smıt — eki márte «Oskar», jeti márte BAFTA, sondaı-aq «Altyn globýs» syılyǵynyń úsh dúrkin ıegeri.
