ەل اۋزىندا جۇرگەن اەس سالۋ ماسەلەسىنە قاتىستى جامبىل وبلىستىق ءماسليحاتىنىڭ ەكونوميكا، بيۋدجەت، سالىق جانە جەرگىلىكتى ءوزىن-ءوزى باسقارۋ ماسەلەلەرى جونىندەگى تۇراقتى كوميسسياسىنىڭ توراعاسى مۇقاش زۇلقارنايۇلى ءوزىنىڭ ويىن ايتتى، دەپ حابارلايدى "ادىرنا" ۇلتتىق پورتالى.
ول اەس-ءتىڭ ەلدەگى ونەركاسىپتىڭ دامۋىنا بىردەن-ءبىر سەپتىگىن تيگىزەتىنىن جەتكىزدى.
"اەس سالۋ ماسەلەسى تاۋەلسىزدىكتەن العالى بەرى تالقىلانىپ جاتقان دۇنيە. مەن حيميا وندىرىسىندە 40 جىلدان استام ۋاقىت جۇمىس ىستەدىم. قازاقستاننىڭ وڭتۇستىگىندەگى كاسىپورىندار كەڭەس وداعىنان بەرى قاراي ەنەرگيا تاپشىلىعىنا ۇشىراپ كەلە جاتىر. ماسەلەن، مەن ىستەگەن كاسىپورىننىڭ ءوزى ءبىر جىلدا 2 ميلليون كۆت ەلەكتر ەنەرگياسىن جاعادى. بولاشاقتا دا بۇدان كوپ بولماسا، ەنەرگيا تاپشىلىعى بولاتىنى ايقىن. قازىر كاسىپورىندار بىلاي جۇمىس ىستەيدى. تاڭەرتەڭگى ساعات 6.00-10.00 ارالىعى مەن كەشكى 6.00-10.00 ارالىعىنلا حالىققا ەلەكتر ەنەرگياسى تولىق جەتسىن دەپ كاسىپورىن ءوزىنىڭ ەنەرگيا تۇتىنۋ مولشەرىن تومەندەتەدى. بۇل كەڭەس وداعىنان كەلە جاتقان ەلەكتر ەنەرگياسىن ۇنەمدەۋدىڭ ءتاسىلى. سوندىقتان، ەگەر حالىق قولداۋىمەن اەس سالىناتىن بولسا، تۇراقتى ەنەرگيا كوزى قامتىلىپ ءاربىر ونەركاسىپ ءتۇرى، ءاربىر كاسىپورىن جەتكىلىكتى تۇردە ەنەرگيامەن قامتاماسىز ەتىلەتىن ەدى. ەنەرگيا تاپشىلىعنان شىعاتىن جالعىز جول - اەس سالۋ" دەيدى مۇقاش ەسكەندىروۆ.
