El aýzynda júrgen AES salý máselesine qatysty Jambyl oblystyq máslıhatynyń ekonomıka, bıýdjet, salyq jáne jergilikti ózin-ózi basqarý máseleleri jónindegi turaqty komıssııasynyń tóraǵasy Muqash Zulqarnaıuly óziniń oıyn aıtty, dep habarlaıdy "Adyrna" ulttyq portaly.
Ol AES-tiń eldegi ónerkásiptiń damýyna birden-bir septigin tıgizetinin jetkizdi.
"AES salý máselesi táýelsizdikten alǵaly beri talqylanyp jatqan dúnıe. Men hımııa óndirisinde 40 jyldan astam ýaqyt jumys istedim. Qazaqstannyń ońtústigindegi kásiporyndar Keńes odaǵynan beri qaraı energııa tapshylyǵyna ushyrap kele jatyr. Máselen, men istegen kásiporynnyń ózi bir jylda 2 mıllıon kVt elektr energııasyn jaǵady. Bolashaqta da budan kóp bolmasa, energııa tapshylyǵy bolatyny aıqyn. Qazir kásiporyndar bylaı jumys isteıdi. Tańerteńgi saǵat 6.00-10.00 aralyǵy men keshki 6.00-10.00 aralyǵynla halyqqa elektr energııasy tolyq jetsin dep kásiporyn óziniń energııa tutyný mólsherin tómendetedi. Bul Keńes odaǵynan kele jatqan elektr energııasyn únemdeýdiń tásili. Sondyqtan, eger halyq qoldaýymen AES salynatyn bolsa, turaqty energııa kózi qamtylyp árbir ónerkásip túri, árbir kásiporyn jetkilikti túrde energııamen qamtamasyz etiletin edi. Energııa tapshylyǵnan shyǵatyn jalǵyz jol - AES salý" deıdi Muqash Eskendirov.
