استانادا 1 قازان - قارتتار كۇنىندە 107 مىڭنان استام زەينەتكەرلەر 9230 تەڭگە كولەمىندە اقشالاي تولەم الادى، دەپ حابارلايدى “ادىرنا” ۇلتتىق پورتالى.
«قارتتار كۇنىنە (1 قازان) ەلوردانىڭ 107 مىڭنان استام قارت ازاماتىن 2,5 اەك كولەمىندە، جالپى سوماسى 989,2 ملن تەڭگەنى قۇرايتىن بىرجولعى اقشالاي تولەممەن قامتۋ جوسپارلانۋدا»، - دەدى استانا قالاسى اكىمدىگىنىڭ ءباسپاسوز قىزمەتى.
تولەمدەر ەكى كەزەڭدە جۇزەگە اسىرىلادى: تولەمدەردىڭ ءبىر بولىگى قىركۇيەك ايىنىڭ سوڭىندا، ال قالعان بولىگى قازان ايىنىڭ ءبىرىنشى ونكۇندىگىندە تولەنەدى. بۇل تولەمدەردى اسكەري قىزمەتشىلەر، مۇگەدەكتەر جانە كوپ بالالى وتباسىلار سياقتى الەۋمەتتىك قولداۋدىڭ باسقا تۇرلەرىن المايتىن زەينەتكەرلەر الاتىن بولادى.
سونىمەن قاتار، قارت ادامدارعا قوسىمشا جەڭىلدىكتەر قاراستىرىلعان. 3,9 مىڭعا جۋىق ادام جىلىنا ءبىر رەت سانيتارلىق-كۋرورتتىق ەمدەۋدەن ءوتتى. 2 مىڭعا جۋىق زەينەتكەر ەكى جىل سايىن قولجەتىمدى ءتىس پروتەزدەۋ قىزمەتىن پايدالانا الدى. 82 زەينەتكەردىڭ وتباسىنا قاتتى وتىن ءتۇرىن ساتىپ الۋعا 59 مىڭ تەڭگە كولەمىندە كومەك كورسەتىلدى. 71 زەينەتكەرگە گاز قازاندىعىن ورناتۋ ءۇشىن 479 مىڭ تەڭگەگە دەيىن وتەماقى بەرىلدى.
2023 جىلى استانا قالاسىنىڭ زەينەتكەرلەرى قارتتار كۇنىنە 8624 تەڭگە كولەمىندە تولەم العان بولاتىن.
