Astanada 1 qazan - Qarttar kúninde 107 myńnan astam zeınetkerler 9230 teńge kóleminde aqshalaı tólem alady, dep habarlaıdy “Adyrna” ulttyq portaly.
«Qarttar kúnine (1 qazan) elordanyń 107 myńnan astam qart azamatyn 2,5 AEK kóleminde, jalpy somasy 989,2 mln teńgeni quraıtyn birjolǵy aqshalaı tólemmen qamtý josparlanýda», - dedi Astana qalasy ákimdiginiń baspasóz qyzmeti.
Tólemder eki kezeńde júzege asyrylady: tólemderdiń bir bóligi qyrkúıek aıynyń sońynda, al qalǵan bóligi qazan aıynyń birinshi onkúndiginde tólenedi. Bul tólemderdi áskerı qyzmetshiler, múgedekter jáne kóp balaly otbasylar sııaqty áleýmettik qoldaýdyń basqa túrlerin almaıtyn zeınetkerler alatyn bolady.
Sonymen qatar, qart adamdarǵa qosymsha jeńildikter qarastyrylǵan. 3,9 myńǵa jýyq adam jylyna bir ret sanıtarlyq-kýrorttyq emdeýden ótti. 2 myńǵa jýyq zeınetker eki jyl saıyn qoljetimdi tis protezdeý qyzmetin paıdalana aldy. 82 zeınetkerdiń otbasyna qatty otyn túrin satyp alýǵa 59 myń teńge kóleminde kómek kórsetildi. 71 zeınetkerge gaz qazandyǵyn ornatý úshin 479 myń teńgege deıin ótemaqy berildi.
2023 jyly Astana qalasynyń zeınetkerleri Qarttar kúnine 8624 teńge kóleminde tólem alǵan bolatyn.
