قازاقستان ۇلتتىق وليمپيادالىق كوميتەتىنىڭ پرەزيدەنتى گەننادي گولوۆكين حالىقارالىق بوكس فەدەراتسياسى (World Boxing) جاڭا وليمپيادالىق كوميسسياسىنىڭ توراعاسى اتاندى، دەپ حابارلايدى "ادىرنا" ۇلتتىق پورتالى. بۇل تۋرالى ۇلتتىق وليمپيادا كوميتەتى جەلىدە جازدى.
"جۇمىس بارىسىندا قازاقستان ۇوك باسشىسى World Boxing قىزمەتىنىڭ اشىقتىعىن قامتاماسىز ەتۋ ماسەلەلەرىنە قاتىستى حالىقارالىق سپورتتىق ۇيىمدارمەن بىرلەسە جۇمىس ىستەۋگە كوڭىل بولەدى. سونىمەن قاتار، ونىڭ كوميسسيا باسشىسى رەتىندەگى باستى مىندەتتەرىنىڭ ءبىرى - بوكستى وليمپيادا ويىندارىنىڭ باعدارلاماسىندا قالدىرىپ، World Boxing ۇيىمىن حوك مويىنداۋى ءۇشىن حالىقارالىق وليمپيادا كوميتەتىمەن تىعىز ارىپتەستىك ورناتۋ بولماق" دەلىنگەن حابارلامادا.
ايتا كەتەلىك، World Boxing گەننادي گولوۆكيننىڭ كانديداتۋراسىن العاشقىلاردىڭ ءبىرى بولىپ بەكىتتى. جاقىن ارادا وليمپيادالىق كوميسسيا قۇرامىنا سپورت الەمىنىڭ وزگە دە وكىلدەرى ەنىپ، بوكستى وليمپيادالىق قوزعالىس ورتاسىندا قالدىرۋعا ارنالعان ءىرى جوسپارلاردى جۇزەگە اسىرۋعا كۇش سالادى.
World Boxing 2023 جىلدىڭ ساۋىرىندە قۇرىلدى. قازىرگى تاڭدا ۇيىم قۇرامىنا الەمنىڭ 44 مەملەكەتىندەگى ۇلتتىق فەدەراتسيالار ەنگەن.
