Qazaqstan Ūlttyq Olimpiadalyq komitetınıŋ prezidentı Gennadii Golovkin Halyqaralyq boks federasiiasy (World Boxing) jaŋa Olimpiadalyq komissiiasynyŋ töraǧasy atandy, dep habarlaidy "Adyrna" ūlttyq portaly. Būl turaly Ūlttyq Olimpiada komitetı jelıde jazdy.
"Jūmys barysynda Qazaqstan ŪOK basşysy World Boxing qyzmetınıŋ aşyqtyǧyn qamtamasyz etu mäselelerıne qatysty halyqaralyq sporttyq ūiymdarmen bırlese jūmys ısteuge köŋıl böledı. Sonymen qatar, onyŋ komissiia basşysy retındegı basty mındetterınıŋ bırı - boksty Olimpiada oiyndarynyŋ baǧdarlamasynda qaldyryp, World Boxing ūiymyn HOK moiyndauy üşın Halyqaralyq Olimpiada komitetımen tyǧyz ärıptestık ornatu bolmaq" delıngen habarlamada.
Aita ketelık, World Boxing Gennadii Golovkinnıŋ kandidaturasyn alǧaşqylardyŋ bırı bolyp bekıttı. Jaqyn arada Olimpiadalyq komissiia qūramyna sport älemınıŋ özge de ökılderı enıp, boksty Olimpiadalyq qozǧalys ortasynda qaldyruǧa arnalǧan ırı josparlardy jüzege asyruǧa küş salady.
World Boxing 2023 jyldyŋ säuırınde qūryldy. Qazırgı taŋda ūiym qūramyna älemnıŋ 44 memleketındegı Ūlttyq federasiialar engen.
Ūqsas jaŋalyqtar
