قر دەنساۋلىق ساقتاۋ مينيسترلىگىنىڭ رەسمي وكىلى ايگەرىم ورازاليەۆا جەدەل جاردەمنىڭ جۇمىس كەستەسىنە قاتىستى ءتۇن ورتاسىندا تۇسىنىكتەمە بەردى، - دەپ حابارلايدى "ادىرنا" ۇلتتىق پورتالى.
تۇسىندىرمە ۆيدەوسى 25-قىركۇيەك كۇنى، تۇندە دەنساۋلىق ساقتاۋ مينيسترلىگىنىڭ جەلىدەگى پاراقشاسىندا جاريالاندى.
«بۇگىن بىرقاتار بۇقارالىق اقپارات قۇرالدارىندا جەدەل مەديتسينالىق كومەك كورسەتۋ قاعيدالارىنا وزگەرىستەر ەنگىزۋ تۋرالى بۇيرىق جوباسىنىڭ مازمۇنىن قاتە ءتۇسىندىرۋ جاريالاندى. وسىعان بايلانىستى ءبىز تۇسىندىرەمىز: بۇرىنعىداي 103 نومىرىنە قوڭىراۋ شالۋ ارقىلى بارلىق پاتسيەنتتەر شاقىرتۋ ساناتىنا قاراماستان تولىق كولەمدە مەديتسينالىق كومەك الادى»، — دەيدى ۆيدەودا دەنساۋلىق ساقتاۋ مينيسترلىگىنىڭ رەسمي وكىلى.
سونىمەن بىرگە، ونىڭ ايتۋىنشا، جۇمىس ۋاقىتىندا جەدەلدىكتىڭ ءتورتىنشى ساناتىنداعى شاقىرتۋلارعا قىزمەت كورسەتۋگە تيىمدىلىكتى ارتتىرۋ ءۇشىن ءموبيلدى العاشقى مەديتسينالىق-سانيتارلىق كومەك بريگادالارى تارتىلادى.
«كەشكى جانە تۇنگى ۋاقىتتا، سونداي-اق دەمالىس كۇندەرى بارلىق ساناتتاعى شاقىرتۋلارعا جەدەل جاردەم بريگادالارى قىزمەت كورسەتەدى، وسىلايشا، ازاماتتار ءۇشىن ەشتەڭە وزگەرمەيدى، بىردە-ءبىر شاقىرۋ قاراۋسىز قالمايدى، پاتسيەنتتەرگە قىزمەت كورسەتۋدىڭ تيىمدىلىگى مەن ساپاسى جوعارىلايدى»، - دەپ سەندىردى ول.
پوسموترەت ەتۋ پۋبليكاتسيۋ ۆ Instagram
ەسكە سالا كەتەيىك، 24-قىركۇيەك كۇنى «اشىق زاڭدى تۇلعالار» پورتالىندا جەدەل جاردەم قىزمەتىنە قاتىستى بۇيرىق جوباسى جاريالانعان بولاتىن. وندا مينيسترلىك جەدەل جاردەمدى شاقىرتۋ ۋاقىتىنا وزگەرىس ەنگىزۋدى جوسپارلاپ وتىرعانى جايلى ايتقان ەدى.
