اقش پرەزيدەنتتىگىنە ۇمىتكەر دونالد ترامپتى اتپاق بولعان كۇدىكتى ايىپتالدى، دەپ حابارلايدى “ادىرنا” ءتىلشىسى.
بۇل تۋرالى BBC تەلەارناسى حابارلادى.
رايان راۋت ەسىمدى ازامات 15 قىركۇيەكتە ترامپتىڭ گولف-كلۋبىنىڭ جانىندا ۇستالعان. كەيىننەن كۇدىكتى ۇستالعان ماڭنان وپتيكالىق ءدۇربىسى بار اۆتومات، ەكشن-كامەرا مەن باسقا دا زاتتار سالىنعان 2 قاپشىق تابىلعان بولاتىن.
ۆۆس دەرەگىنشە، ەر ادام ساياساتكەرگە قاستاندىق جاساعاننان سوڭ كولىككە ءمىنىپ، وقيعا ورنىنان قاشپاق بولعان.
شەتەلدىك باق-تا راۋتقا زاڭسىز قارۋ ۇستادى دەگەن ايىپ تاعىلىپ، 20 جىل باس بوستاندىعىنان ايىرۋ تۋرالى دەرەكتەر جانە 500 مىڭ دوللار ايىپپۇل تولەيدى دەگەن حابار تاراعان.
كۇدىككە ىلىنگەن ادام جاڭا ايىپ بويىنشا ومىرباقي تۇرمەدە وتىرۋ جازاسىنا كەسىلۋى مۇمكىن ەكەنى تۋرالى دەرەك تارادى.
ەسكە سالا كەتەيىك، 15 قىركۇيەك كۇنى فلوريدا شتاتىنىڭ ۆەست پالم-بيچتەگى گولف الاڭىندا اقش-تىڭ بۇرىڭعى پرەزيدەنتى، پرەزيدەنتتىككە ۇمىتكەر ترامپقا قاستاندىق جاسالماق بولعانى تۋرالى جازعان ەدىك.
