اقش-تا ءۇشىنشى رەت پرەزيدەنت دونالد ترامپ پەن ونىڭ اكىمشىلىگىنىڭ ساياساتىنا قارسى ءىرى نارازىلىق اكتسياسى ءوتتى، دەپ حابارلايدى «ادىرنا» ءتىلشىسى BBC-گە سىلتەمە جاساپ.
«پاتشالارعا جول جوق» ۇرانىمەن وتكەن اكتسيا نيۋ-يورك قالاسىنان باستاپ لوس-اندجەلەس پەن ۆاشينگتون قالالارىنا دەيىنگى ونداعان قالانى قامتىعان.
العاشقى نارازىلىقتار ءدال وسى ۇرانمەن 2025 جىلدىڭ باسىندا وتكەن ەدى. ولار پرەزيدەنت وكىلەتتىكتەرىنىڭ كۇشەيۋى مەن كوشى-قون ساياساتىنىڭ قاتايۋىنا جاۋاپ رەتىندە ۇيىمداستىرىلعان. سودان بەرى بۇل قوزعالىس تۇراقتى سيپات الىپ، جۇزدەگەن مىڭ، كەيدە ءتىپتى ميلليونداعان ادامدى جينايتىن بولدى.
بۇل جولى نارازىلىق بىلدىرۋشىلەر كۇن تارتىبىنە يرانمەن اراداعى شيەلەنىس، كوشى-قون باقىلاۋىنىڭ كۇشەيۋى جانە ءومىر ءسۇرۋ قۇنىنىڭ ءوسۋى سىندى ماسەلەلەردى قويعان.
«بۇل — مونارحيا ەمەس. بيلىك “پاتشالار” مەن ولاردىڭ ميللياردەرلەرىنە ەمەس، حالىققا تيەسىلى»، — دەيدى اكتسياعا قاتىسۋشىلار.
اق ءۇي وكىلدەرى شەرۋدى “سولشىلدار جەلىسى ۇيىمداستىردى” دەپ، مۇنداي نارازىلىقتار تەك بۇقارالىق اقپارات قۇرالدارىنا عانا قىزىق ەكەنىن مالىمدەدى.
