AQSh prezıdenttigine úmitker Donald Trampty atpaq bolǵan kúdikti aıyptaldy, dep habarlaıdy “Adyrna” tilshisi.
Bul týraly BBC telearnasy habarlady.
Raıan Raýt esimdi azamat 15 qyrkúıekte Tramptyń golf-klýbynyń janynda ustalǵan. Keıinnen kúdikti ustalǵan mańnan optıkalyq dúrbisi bar avtomat, ekshn-kamera men basqa da zattar salynǵan 2 qapshyq tabylǵan bolatyn.
VVS dereginshe, er adam saıasatkerge qastandyq jasaǵannan soń kólikke minip, oqıǵa ornynan qashpaq bolǵan.
Sheteldik BAQ-ta Raýtqa zańsyz qarý ustady degen aıyp taǵylyp, 20 jyl bas bostandyǵynan aıyrý týraly derekter jáne 500 myń dollar aıyppul tóleıdi degen habar taraǵan.
Kúdikke ilingen adam jańa aıyp boıynsha ómirbaqı túrmede otyrý jazasyna kesilýi múmkin ekeni týraly derek tarady.
Eske sala keteıik, 15 qyrkúıek kúni Florıda shtatynyń Vest Palm-Bıchtegi golf alańynda AQSh-tyń buryńǵy prezıdenti, prezıdenttikke úmitker Trampqa qastandyq jasalmaq bolǵany týraly jazǵan edik.
