ماڭعىستاۋ وبلىسىنىڭ پوليتسيا دەپارتامەنتى 180 دانا التىن جالاتىلعان ساعاتقا تاپسىرىس بەرگەن، دەپ حابارلايدى "ادىرنا" ۇلتتىق پورتالى Lada.kz-كە سىلتەپ.
ساتىپ الۋ سايتىندا وبلىستىق پد 80-ءى ايەلدەرگە جانە 100 داناسى ەر ادامعا قول ساعات بەرگەنىن حابارلاعان. بۇعان بيۋدجەتتەن ەكى ميلليون تەڭگەگە جۋىق قارجى جۇمسالادى.
ماڭعىستاۋ وبلىسىنىڭ پوليتسيا دەپارتامەنتى مەملەكەتتىك ساتىپ الۋشىلار سايتىندا ساعات ساتىپ الۋ تۋرالى حابارلاندىرۋ جاريالاعان. قۇجاتتاردا ساعات التىن جالاتىنعان بولۋى كەرەك ەكەنى، ال اكسەسسۋاردىڭ باۋى بۇزاۋ تەرىسىنەن جاسالۋى كەرەك دەپ كورسەتىلگەن.
"مەحانيزم - جاپون/ششۆەيتساريالىقتان جامان ەمەس. مەحانيزمنىڭ ءتۇرى – كۆارتس. سىرتى PVD Gold (التىن), قاپتالعان (تيتان نيتريد + 10 ميكرون التىن). ارتقى قاقپاعى توت باسپايتىن بولاتتان جاسالعان. شىنىسى - مينەرالدى، سىزاتتارعا ءتوزىمدى. سۋ وتكىزبەيتىن - كەم دەگەندە 5 اتم. شاڭ/ىلعالعا ءتوزىمدى. ( ... ) تسيفەربلات – اق ەمال، دوڭگەلەك، ديامەترى كەمىندە 30 مم، ءورىس ءوندىرۋشىنىڭ جازۋلارى مەن ەمبلەمالارىنان تازا. باۋى: اللەرگياعا قارسى جابىنى بار بىلعارىدان (بۇزاۋ), قارا/قوڭىر، قارا/قوڭىر جىپتەرمەن تىگىلگەن", - دەلىنگەن سيپاتتاماسىندا.
سايتتا ءار ساعاتتىڭ قۇنى - 11 مىڭ تەڭگە تۇرادى دەپ كورسەتىلگەن. 80 دانا تۇراتىن ايەلدەر ساعاتىنىڭ جيىنتىعىنا ۆەدومستۆو 880 مىڭ تەڭگە، ال ءجۇز ەرلەر ساعاتىنا - 1,1 ميلليون تەڭگە بولۋگە دايىندالىپ وتىر.
تاپسىرىس بەرۋشى ءار ساعاتتىڭ ادەمى قوراپتا بولۋىن ەسكەرتكەن.
"لازەرلىك گراۆيۋرا، ارتىندا - "قر ءىىم" لوگوتيپى جانە "ماڭعىستاۋ وبلىسى پوليتسيا دەپارتامەنتى" دەگەن جازۋ بار", - دەلىنگەن تەحنيكالىق سيپاتتامادا.
