الەۋمەتتىك جەلىدە جانتۇرشىگەرلىك بەينە پايدا بولدى. وندا پويىزدا جاس ساربازدى ۇرعاندار تۇسىرىلگەن. پرەزيدەنت جەلىدە تاراعان ۆيدەوداعى قاسكويلەردى ۇستاپ، جازالاۋدى تاپسىردى، دەپ حابارلايدى "ادىرنا" ۇلتتىق پورتالى.
ۆيدەودا ۇلتتىق ۇلان ساربازىن پويىز تامبۋرىندا ۇرعانى تاسپالانعان. مەملەكەت باسشىسى توقاەۆ بەينەماتەريالمەن تانىسىپ شىقتى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي مالىمدەدى.
ونىڭ سوزىنشە، پرەزيدەنت ىشكى ىستەر ءمينيسترى ەرجان سادەنوۆكە قاسكويلەردى ۇستاپ، زاڭناماعا سايكەس جاۋاپقا تارتۋ ءۇشىن شۇعىل شارالار قابىلداۋدى تاپسىرعان.
"مەملەكەت باسشىسى ىشكى ىستەر ءمينيسترى ەرجان سادەنوۆكە قاسكويلەردى ۇستاپ، زاڭناماعا سايكەس جاۋاپقا تارتۋ ءۇشىن شۇعىل شارالار قابىلداۋدى تاپسىردى. اسكەردەگى جانە باسقا دا كۇشتىك ۇيىمدارداعى زورلىق-زومبىلىقتىڭ بارلىق فاكتىسى پرەزيدەنتكە باياندالادى. مۇنداي جاعدايلار باقىلاۋعا الىنادى. قاسىم-جومارت توقاەۆ بيىلعى 2 قىركۇيەكتەگى جولداۋىندا جاس ساربازداردىڭ دەنساۋلىعى مەن ابىروي-بەدەلىنە قول سۇعۋعا جول بەرمەۋ قاجەت ەكەنىنە نازار اۋدارعان ەدى. سونىمەن قاتار بۇل ماسەلەگە اسكەري قۇرىلىمداردىڭ باسشىلارى تىكەلەي جاۋاپتى ەكەنىن ايتقان بولاتىن", – دەپ جازدى ول.
