Áleýmettik jelide jantúrshigerlik beıne paıda boldy. Onda poıyzda jas sarbazdy urǵandar túsirilgen. Prezıdent jelide taraǵan vıdeodaǵy qaskóılerdi ustap, jazalaýdy tapsyrdy, dep habarlaıdy "Adyrna" ulttyq portaly.
Vıdeoda Ulttyq ulan sarbazyn poıyz tambýrynda urǵany taspalanǵan. Memleket basshysy Toqaev beınematerıalmen tanysyp shyqty. Bul týraly Prezıdenttiń baspasóz hatshysy Berik Ýálı málimdedi.
Onyń sózinshe, Prezıdent ishki ister mınıstri Erjan Sádenovke qaskóılerdi ustap, zańnamaǵa sáıkes jaýapqa tartý úshin shuǵyl sharalar qabyldaýdy tapsyrǵan.
"Memleket basshysy Ishki ister mınıstri Erjan Sádenovke qaskóılerdi ustap, zańnamaǵa sáıkes jaýapqa tartý úshin shuǵyl sharalar qabyldaýdy tapsyrdy. Áskerdegi jáne basqa da kúshtik uıymdardaǵy zorlyq-zombylyqtyń barlyq faktisi Prezıdentke baıandalady. Mundaı jaǵdaılar baqylaýǵa alynady. Qasym-Jomart Toqaev bıylǵy 2 qyrkúıektegi Joldaýynda jas sarbazdardyń densaýlyǵy men abyroı-bedeline qol suǵýǵa jol bermeý qajet ekenine nazar aýdarǵan edi. Sonymen qatar bul máselege áskerı qurylymdardyń basshylary tikeleı jaýapty ekenin aıtqan bolatyn", – dep jazdy ol.
