21 قىركۇيەكتە وڭتۇستىك افريكا رەسپۋبليكاسىندا قالىڭ قار جاۋدى. بۇل تۋرالى France24 تەلەارناسى جازدى، دەپ حابارلايدى «ادىرنا» ءتىلشىسى.
قولايسىز كۇن رايىنا بايلانىستى ەل استاناسى يوحاننەسبۋرگ پەن دۋربان قالالارىن جالعايتىن جانە باسقا بىرنەشە تاسجولدىڭ كەيبىر بولىكتەرى جابىلدى. سالدارىنان جۇزدەگەن جۇرگىزۋشى اۆتوكولىكتەرىنەن تاستاي الماي، جولدا قالدى.
«پروۆينتسيالار اراسىندا قاتىنايتىن اۆتوبۋستار جانارماي قۇيۋ ستانتسيالارىندا شامامەن 7 ساعات تۇرىپ قالدى»،— دەپ ءتۇسىندىردى جول قوزعالىسىن باسقارۋ كورپوراتسياسىنىڭ قوعاممەن بايلانىس جونىندەگى قىزمەتكەرى سايمون تسۆانەو.
ايتا كەتەيىك، سينوپتيكتەر جاقىن كۇندەرى وڭتۇستىك افريكادا ءالى دە قار جاۋاتىنىن مالىمدەدى.
