كورەي ەلىنىڭ استاناسى سەۋلدىڭ كەيبىر اۋداندارىندا 40 سانتيمەتردەن استام قار جاۋدى، دەپ حابارلايدى "ادىرنا" ۇلتتىق پورتالى.
The Guardian باسىلىمىنىڭ مالىمەتىنشە، سەۋلدە سوڭعى 100 جىلداعى ەڭ كۇشتى قارلى بوران بولدى. وسىنىڭ سالدارىنان ونداعان رەيس توقتاتىلىپ، پاروم قاتىناسى ۋاقىتشا توقتاتىلدى. بيلىك كەم دەگەندە ءتورت ادامنىڭ قازا تاپقانىن مالىمدەدى.
قازا تاپقانداردىڭ ءبىرى گولف الاڭىندا قاردىڭ اۋىرلىعىنان قۇلاعان توردىڭ استىندا قالىپ قازا تاپقان، ال تاعى ەكى ادام جاراقات العان. تاعى ءبىر ادام اۆتوتۇراقتاعى قورعانىس شاتىردىڭ قۇلاۋىنان كوز جۇمدى. سەۋلدىڭ شىعىسىنا قاراي ماگيسترالدا بولعان جول اپاتىندا تاعى ەكى ادام قايتىس بولدى.
پوليتسيانىڭ مالىمەتىنشە، كانۆوندو پروۆينتسياسىنداعى ماگيسترالدا 53 كولىكتىڭ سوقتىعىسۋىنان 11 ادام جاراقات العان.
