"قازگيدرومەت" ورتالىعىنىڭ اتىراۋ وبلىسىنا قاراستى فيليالى مالىمدەمە جاسادى. وبلىستاعى اۋا رايىن بولجاۋ ءبولىمىنىڭ باسشىسى اينا قازعۇلوۆانىڭ ايتۋىنشا، اركتيكالىق انتيتسيكلون اسەرىنەن وڭىردە الداعى 3 تاۋلىك جاۋىن-شاشىنسىز ، بىراق سارشۇناق اياز بولادى، دەپ حابارلايدى "ادىرنا" ۇلتتىق پورتالى.
"اتىراۋ وبلىسىندا اۋا تەمپەراتۋراسى كۇندىز -18, -23 °C, تۇندە -22, -27 °C كورسەتسە، سولتۇستىكتەن -26, -30 °C اياز بولادى، - دەدى اننا قازعۇلوۆا.وبلىستىق ءبىلىم بەرۋ باسقارماسىنىڭ باسشىسى گۇلنار سادۋاقاسوۆانىڭ اۋا تەمپەراتۋراسىنىڭ تومەندەۋىنە بايلانىستى وبلىس مەكتەپتەرىندەگى تومەنگى سىنىپتار قاشىقتان وقيتىنىن مالىمدەدى.
"10-11 قاڭتاردا جالپى ورتا ءبىلىم بەرۋ ۇيىمدارىنداعى مەكتەپ الدى دايارلىق توبىنىڭ تاربيەلەنۋشىلەرى جانە باستاۋىش سىنىپ وقۋشىلارى قاشىقتىقتان وقيدى. 5-11-سىنىپ وقۋشىلارى قالىپتى جاعدايدا ءبىلىم الادى", - دەدى گۇلنار سادۋاقاسوۆا.
ۇقساس جاڭالىقتار
