فرانتسۋزدىق «Dualest» كومپانياسى «Moonbikes» كومپانياسىمەن بىرلەسە وتىرىپ، «شىمبۇلاق» تاۋ شاڭعىسى كۋرورتىندا قاردا جۇرەتىن الەمدەگى تۇڭعىش ەلەكترلى «Moonbikes» كولىگىنىڭ تۇساۋكەسەرىن وتكىزدى، دەپ حابارلايدى “ادىرنا” ۇلتتىق پورتالى.
Dualest France ءوزىنىڭ ىسكەرلىك كەڭىستىگىن كەڭەيتىپ، قازىر ورتالىق ازيا مەن كاۆكاز نارىعىنا شىعۋ ءۇشىن قازاقستاندى باستاپقى نۇكتە رەتىندە تاڭداپ وتىر.
ايتا كەتەيىك، «Moonbikes» ەلەكترلى قاردا جۇرەتىن كولىكتەر قازاقستانداعى قىسقى ءتۋريزمدى دامىتۋدىڭ زاماناۋي شەشىمىنە اينالماق. بۇل ءونىم ەل تۇرعىندارى مەن قوناقتاردىڭ اشىق اۋادا سەرۋەندەۋگە دەگەن قىزىعۋشىلىعىن ارتتىرادى، سونىمەن قاتار ىشكى ءتۋريزمدى دامىتۋعا ىقپال ەتەدى.
Moonbikes ەلەكترلى قاردا جۇرەتىن كولىكتەرىنىڭ قابىلەتتەرى مەن كۇشى قىسقى سپورت ماماندارىن دا تاڭ قالدىردى. قاردا جۇرەتىن كولىكتەردىڭ ۇلكەن ارتىقشىلىقتارى بار. ولار: قورشاعان ورتاعا زيانى جوق، ارتىق شۋ شىعارمايدى جانە ءارتۇرلى جىلدامدىق رەجيمدەرى بار.
Dualest كومپانياسىنىڭ نەگىزىن قالاۋشى - Guillaume Dubuis ايماقتىق ديرەكتورى ساشا ورتنەر گيوممەن بىرگە ارنايى تۇساۋكەسەرگە فرانتسيادان كەلىپ، بارلىق قاتىسۋشىلار ءۇشىن تەست-درايۆ وتكىزدى.
سونداي-اق، تۇساۋكەسەرگە الماتى قالاسى اكىمدىگىنىڭ وكىلدەرى، قىرعىزستان، وزبەكستان، قازاقستان جانە فرانتسيانىڭ كاسىپكەرلەرى قاتىستى. ءاربىر قوناق ەلەكترلى قاردا جۇرەتىن كولىكتەردى جەكە سىناپ كورۋ جانە جارقىن ەموتسيالاردى سەزىنۋ مۇمكىندىگىنە يە بولدى.
تۇساۋكەسەر فرانتسيا باس كونسۋلدىعىنىڭ قولداۋىمەن ۇيىمداستىرىلدى.
