يراندا كومىر شاحتاسى جارىلىپ، 30 ادام قازا تاپتى، دەپ حابارلايدى "ادىرنا" ۇلتتىق پورتالى.
يراننىڭ تاباس قالاسىنداعى كومىر شاحتاسىندا مەتاننىڭ جينالۋى سالدارىنان كۇشتى جارىلىس بولدى. جارىلىس سالدارىنان 30 ادام قازا تاۋىپ، تاعى 17 ادام جاراقات العان. ودان بولەك، ءالى 24 ادام شاحتا تۋننەلىندە قالىپ قويعان.
ال 28 يراندىق ءوز بەتىمەن قاشىپ ۇلگەرگەن.
يران پرەزيدەنتى ماسۋد پەزەشكيان شاحتادا قالعان كەنشىلەردى قۇتقارۋ جانە ولاردىڭ وتباسىلارىنا كومەك كورسەتۋ ءۇشىن بار كۇش-جىگەردى سالۋدى بۇيىردى.
ەلدە تاۋ-كەن اپاتى سوڭعى رەت 2013 جىلى بولىپ، 11 جۇمىسشى قازا تاپقان بولاتىن.
ايتا كەتەيىك، 31 تامىز كۇنى ساعات 17:30-دا بولعان شىعىس قازاقستانداعى "ۆوستوكتسۆەتمەت" جشس شاحتاسىندا ءتورت ادام قازا تاپقان.
18 قىركۇيەكتە «التىنالماس» اكتسيونەرلىك قاۋىمداستىعىنىڭ جامبىل وبلىسىنداعى تاۋ-كەن بايىتۋ كەشەندەرىنىڭ بىرىندە تاۋ جىنىستارى قۇلاپ، ءبىر جۇمىسشى ءۇيىندى استىندا قالىپ قويعان.
