Iranda kómir shahtasy jarylyp, 30 adam qaza tapty, dep habarlaıdy "Adyrna" ulttyq portaly.
Irannyń Tabas qalasyndaǵy kómir shahtasynda metannyń jınalýy saldarynan kúshti jarylys boldy. Jarylys saldarynan 30 adam qaza taýyp, taǵy 17 adam jaraqat alǵan. Odan bólek, áli 24 adam shahta týnnelinde qalyp qoıǵan.
Al 28 ırandyq óz betimen qashyp úlgergen.
Iran prezıdenti Masýd Pezeshkıan shahtada qalǵan kenshilerdi qutqarý jáne olardyń otbasylaryna kómek kórsetý úshin bar kúsh-jigerdi salýdy buıyrdy.
Elde taý-ken apaty sońǵy ret 2013 jyly bolyp, 11 jumysshy qaza tapqan bolatyn.
Aıta keteıik, 31 tamyz kúni saǵat 17:30-da bolǵan Shyǵys Qazaqstandaǵy "Vostokvetmet" JShS shahtasynda tórt adam qaza tapqan.
18 qyrkúıekte «Altynalmas» akıonerlik qaýymdastyǵynyń Jambyl oblysyndaǵy taý-ken baıytý keshenderiniń birinde taý jynystary qulap, bir jumysshy úıindi astynda qalyp qoıǵan.
